2024 წლის ტრენდული ფერები ინტერიერში

ყავისფერი და მისი ტონალობები

ყავისფერი, 2024 წელსაც, ერთ-ერთ წამყვან პოზიციას ინარჩუნებს. ძირითადად, ეს ფერი ინტერიერში მყუდრო და თბილ გარემოს ქმნის. 

ცოცხალი ლავანდა

წელს, ლავანდა, რომელსაც სიმშვიდისა და წონასწორობის შეგრძნება მოაქვს, ინტერიერის დიზაინში ცენტრალურ ადგილს დაიკავებს. ეს რბილი, თუმცა ცოცხალი ფერი, ნებისმიერ სივრცეს - იქნება საძინებელი, თუ მისაღები ოთახი - ელეგანტურობას მატებს.

ლურჯის ტონალობები (Tech Luxe Blues)

გლუვი ტექნოლოგიით შთაგონებული პალიტრა, Tech Luxe Blues, 2024 წელს, ერთ-ერთი წამყვანი იქნება. ეს ფერი თანამედროვე და მშვიდ გარემოს ქმნის, რაც ინტერიერს შესანიშნავად ესადაგება.

ღია მწვანე

ბუნებით შთაგონებული ღია მწვანე ფერი, 2024 წელს გაბედულ განაცხადს გააკეთებს. მისი ნებისმიერი ტონალობა თითქმის ყველა სივრცეს შეესაბამება, ნერვულ სისტემაზე დამამშვიდებლად მოქმედებს და კონცენტრაციის უნარს აუმჯობესებს.

ნარინჯისფერი

ინტერიერში ნარინჯისფერს სითბო და ენერგია შემოაქვს. ცოცხალი ფერია, რომელიც დინამიურ გარემოს ქმნის. მისი გამოყენება საკმაოდ საფრთხილოა, თუმცა სწორად შერჩეულ ტონალობა - გარისკვად ნამდვილად ღირს.

ვარდისფერის ტონალობები

ვარდისფერი აქტუალურობას არც 2024 წელს კარგავს. მისი ნებისმიერი ტონალობა - საძინებლებში, მისაღებ ოთახებში, თუ მის ფარგლებს გარეთ - რბილ და მიმზიდველ გარემოს ქმნის. ვარდისფერის ტონალობები ინტერიერში შეგიძლიათ, თამამად გამოიყენოთ, რადგან 2024 წელს, კვლავაც ტრენდულ ფერად რჩება.