სამზარეულოს სტილები

თანამედროვე

თანამედროვე სამზარეულო სუფთა ხაზების, მინიმალიზმისა და უახლესი დიზაინის ერთობლიობაა. ამ სტილისთვის ბრტყელი კარადებია დამახასიათებელი, უჟანგავი ფოლადის მოწყობილობები და მონოქრომატული ფერები. აქ, ძირითადი აქცენტი ფუნქციონალურობასა და ფარულ შესანახ სივრცეებზე კეთდება.

ნეოკლასიკა

სამზარეულოს ეს კონკრეტული სტილი თანამედროვე და კლასიკური დიზაინის შერწყმას მოიაზრებს. ნეოკლასიკური ავეჯი სამზარეულოს უფრო მარტივსა და მინიმალისტურს ხდის. ინტერიერის ფერების შერჩევისას, გირჩევთ, პასტელურ ფერებს მიანიჭოთ უპირატესობა, რაც კლასიკურ დეტალებს უსვამს ხაზს და ნეოკლასიკის ეფექტს ქმნის. აქ, ძირითადად, ჩაშენებულ ტექნიკას გამოიყენებენ.

ქანთრი

კომფორტისა და ბალანსის მოყვარულთათვის, ქანთრის სტილში მოწყობილი სამზარეულო შესანიშნავი არჩევანია. ასეთ ვიზუალში ვერაფერს დამალავთ, რადგან ყველაფერი ხელმისაწვდომია. უპირატესობა ხის მასალას ენიჭება

ლოფტი

სამზარეულოს ამ სტილისთვის ღია სივრცეები, მაღალი ჭერი და მკვეთრი განათებაა დამახასიათებელი. აქ, მარტივ და ფუნქციონალურ ავეჯს გამოიყენებენ. რაც შეეხება მასალებს, ხშირად ლითონს, ან მინას ვხვდებით.

გახსოვდეთ, ნებისმიერი სტილი თქვენ პიროვნებას და ცხოვრების წესს ასახავს. ასე რომ, ყურადღებით შეარჩიეთ