ვაბი-საბი

დიზაინის სიმარტივე

ვაბი-საბი სიმარტივეში ვლინდება. მინიმალიზმისთვის დამახასიათებელი სუფთა ხაზები ტექსტურებს ბუნებრივად ერწყმის. მიუხედავად იმისა, რომ ვაბი-საბი არასრულყოფილებაში სილამაზის აღმოჩენის ხელოვნებაა, ეს სულაც არ ნიშნავს ქაოსს. აქ, ყველაფერი კარგად ორგანიზებულია და რაც მთავარია, თქვენს სიმშვიდეს ემსახურება. 

ბუნებრივობა და ხელნაკეთი აქსესუარები

ბუნებრივი მასალები და მცენარეები ვაბი-საბის ესთეტიკის უმთავრესი მახასიათებელია. ბონსაის ხის გახუნებული ტოტები, ან ხისგან დამზადებული ხელნაკეთი დეკორაციები  - ეს ის ელემენტებია, რაც  ბუნებრივი სამყაროს სილამაზესთან გვაკავშირებს და შთაგვაგონებს, რომ მისი არასრულყოფილი ელეგანტურობა ჩვენს სახლში შემოვიტანოთ. 

გაცნობიერებული ცხოვრება

თავისი არსით, ვაბი-საბი გააზრებული ცხოვრების სტილია. მოგვიწოდებს,  ჩვენს გარშემო არსებული სამყაროს დავაკვირდეთ და დავაფასოთ. აზროვნების ამ მოდელით, ჩვენ შეგვიძლია ბედნიერება - ჩვეულებრივ დეტალებში, მადლიერება - უბრალოებაში და სიმშვიდე - აწმყოში მოვიპოვოთ. 

„გუმბათი ჯგუფის“ ერთ-ერთი გამორჩეული პროექტის, „ბულვარ ფოინთის“ ინტერიერში სწორედ ვაბი-საბის ელემენტებს აღმოაჩენთ, რაც მის დიზაინს კიდევ უფრო მიმზიდველსა და სრულყოფილს ხდის.