“გუმბათი ჯგუფის” აპარტოტელების სერვისი: 5 ახალი სტანდარტი უძრავი ქონების ინდუსტრიაში

ეფექტიანი მენეჯმენტის სისტემა

თუ თქვენი მიზანი ბინის გაქირავებაა, შესაძლოა უამრავი სირთულის წინაშე აღმოჩნდეთ. “გუმბათი ჯგუფი” ამ მხრივაც ზრუნავს აპარტამენტის მფლობელებსა თუ ქირით მაცხოვრებლებზე. ადმინისტრაციულად გამართული აპარტოტელების სერვისი, მესაკუთრეებს გაქირავების სისტემაში ჩართვის საშუალებას აძლევს. მომხმარებლებთან “მართვის ხელშეკრულება” ფორმდება, რაც მათ ნებისმიერი ფინანსური თუ ტექნიკური რისკებისგან აზღვევს.

ამასთან, ყველა მესაკუთრე ელექტრონული მართვის სისტემაშია ჩართული. მათ ნებისმიერ დროს, უწყვეტ რეჟიმში შეუძლიათ დეტალური ინფორმაცია მიიღონ აპარტამენტის ვიზიტორების, გაქირავების ხანგრძლივობისა და შემოსავლების შესახებ.

სახლისთვის ხასიათის შექმნა

ჩვენი კიდევ ერთი გამორჩეული სერვისი აპარტამენტებისთვის ინდივიდუალური ხასიათის შექმნაა. დიზაინერების ჯგუფი მომხმარებლებთან კონსულტაციისა და იდეების გაცვლის შემდეგ, უნიკალურ, თანამედროვე და მულტიფუნქციურ დიზაინს ქმნის. „არტ-ჯგუფი“ მუშაობს, რათა იდეები თქვენს მყუდრო სახლად აქციოს. 

“გუმბათი დიზაინი” და “გუმბათი არტი” 2020 წლიდან დაინერგა და უამრავ აპარტამენტს საკუთარი ცხოვრების სტილი შესძინა.

სოციალიზაცია, გართობა და ჯანსაღი ცხოვრების წესი

სოციალიზაციის გასაუმჯობესებლად, გუმბათში, ადგილისა და დანიშნულების მიხედვით, სოციალიზაციის სხვადასხვა საშუალებები შევქმენით:

• ოჯახებისთვის განსაკუთრებით მიმზიდველია გამწვანებული, სუფთა სივრცეები, ღია ტერასა და სკვერი, სადაც ყოველთვის შეგეძლებათ დროის სასიამოვნოდ გატარება.
• იდეალური დასვენებისთვის, ასევე, შეგიძლიათ სპა-ცენტრითა და ღია აუზებით ისარგებლოთ. ამ მხრივ გამორჩეულია “მონტემარის” აპარტამენტები, რომელშიც კერძო აუზებია განთავსებული.
• ჯანსაღი ცხოვრების სტანდარტი ინერგება “პორტლაინშიც”, სადაც მაცხოვრებლებს შენობიდან გასვლის გარეშე შეეძლებათ უახლესი ინვენტარით აღჭურვილი ფიტნეს ცენტრით ისარგებლონ.

ამასთან, ჩვენს თითქმის ნებისმიერ პროექტში დაგხვდებათ კაფე და რესტორანი. ეს ადგილები ყველასთვის ცნობილია მაღალი ხარისხის სერვისითა და გემრიელი კერძებით.

უსაფრთხოება და კომფორტი

გუმბათის მაცხოვრებლების უსაფრთხოება და კომფორტი კომპანიის უმთავრესი პრიორიტეტია. აპარტამენტების მფლობელებს 24 საათიანი დაცვა ემსახურება. 

კომპანია მუდმივ ზედამხედველობას უწევს საერთო სარგებლობაში არსებულ სივრცეებს, შიდა და გარე განათებას, დასუფთავებას, ლიფტების ექსპლუატაციასა და ვიდეომეთვალყურეობის მონტაჟს. “გუმბათის” კონსიერჟი ნებისმიერ დროს მზადაა, მაცხოვრებლებს ტექნიკური დახმარება გაუწიოს.

კომპანიის მიზანი თავის აუდიტორიასთან მუდმივი პარტნიორობა და უწყვეტი სერვისის შეთავაზებაა. სწორედ ამიტომ, ჩვენთან არა მხოლოდ ინფრასტრუქტურულად კეთილმოწყობილ აპარტამენტებს ირჩევთ, არამედ ცხოვრების სტილსაც.