სასტუმრო ოთახებისა და საცხოვრებელი სახლების ალტერნატივას უფრო და უფრო მეტი ადამიანი ეძებს. შესაბამისად, დღეს მეტად პოპულარული ხდება სასტუმროს ტიპის აპარტამენტები საქართველოში და მთელ მსოფლიოში. ამის მთავარი მიზეზი ისაა, რომ მსგავსი სისტემა ფართო აუდიტორიის მრავალფეროვან მოთხოვნებს იდეალურად პასუხობს.
გუმბათი ჯგუფი ერთ-ერთი მოწინავე დეველოპერია, რომელიც აპარტოტელების მომსახურებას წარმატებით ნერგავს თავის პროექტებში. ამის საუკეთესო მაგალითია პროექტი „მონტემარი“, რომელიც გონიოში შენდება.
პროექტის მშენებლობის დასრულების შემდეგ, მფლობელებს საშუალება ექნებათ, აპარტოტელების ყველა უპირატესობითა და მრავალფეროვანი სერვისით ისარგებლონ.
და მაინც, რატომ იზრდება მოთხოვნა სასტუმროს ტიპის აპარტამენტებზე დამსვენებლებს, მაცხოვრებლებს, ინვესტორებს, თუ ბიზნეს მოგზაურებს შორის? რა ფაქტორები მოქმედებს გადაწყვეტილების მიღების პროცესზე? როგორ ქმნის სასტუმროს ტიპის აპარტამენტები კომფორტის, კეთილმოწყობისა და ფინანსური სარგებლიანობის უნიკალურ ერთიანობას და რა უპირატესობები გააჩნია მას?
აპარტოტელის საკუთრებაში ფლობის უპირატესობა
სასტუმროს ტიპის აპარტამენტები მრავალ ფუნქციას ითავსებს მათი მფლობელებისთვის:
- ეს არის სახლი, სადაც ზოგჯერ საკუთარი თავის სტუმარიც ხართ: აპარტოტელების მფლობელებს შეუძლიათ ისეთი მომსახურებით ისარგებლონ, როგორიცაა სახლის მოვლა, ოთახის მომსახურება და კონსიერჟის დახმარება.
- შეგიძლიათ მშვიდად იყოთ, როცა შინ არ ხართ: აპარტოტელების მფლობელებს მუდმივი დაცვა ემსახურებათ. აპარტოტელის მენეჯმენტი უზრუნველყოფს, რომ ქონება სუფთა და მოვლილი იყოს მაშინაც, როცა დიდი ხნით მიდიხართ სახლიდან.
- სახლი მუდმივი ინვესტირების შესაძლებლობაა: აპარტოტელების მფლობელებს შეუძლიათ საცხოვრებელი შემოსავლის წყაროდ აქციონ. გარკვეული ვადით გააქირაონ იგი და ნებისმიერი ტექნიკური პრობლემა თავიდან აირიდონ. ამ მხრივ, გუმბათი ჯგუფი თავის აუდიტორიას სთავაზობს გაქირავების სისტემაში ჩართვას და აპარტოტელის ელექტრონულ რეჟიმში მართვას.
